Y Streic (rhan dau)

Erbyn diwedd mis Ionawr, roedd y cyflenwad glo wedi lleihau gymaint mewn gorsafoedd pŵer i ddechrau cael effaith dyngedfennol ar gyflenwad trydan y wlad. Datganodd y llywodraeth Gyflwr Argyfwng ar 9 Chwefror, gydag wythnos tri-diwrnod yn cael ei chyflwyno’n fuan wedi hynny.

'Power Cuts by Next Week?', The Miner (24th January 1972)

Toriadau Pŵer erbyn wythnos nesaf

Wrth synhwyro buddugoliaeth yr ymgyrch streicio, sefydlodd llywodraeth Heath Lys Ymchwiliad dan arweiniad yr Arglwydd Wilberforce i asesu hawliadau cyflog y glowyr. Cydnabu Adroddiad Wilberforce, a gyhoeddwyd yn sgil yr archwiliad, fod 'cwymp difrifol wedi bod mewn cyflogau cymharol' y glowyr, ac argymhellodd godiad cyflog o £6 i weithwyr tanddaearol, £5 i weithwyr yr arwyneb a £4.50 ar gyfer gweithwyr arwyneb NPLA.

Report of a Court of Inquiry into a Dispute Between the National Coal Board and the National Union of Mineworkers, under the chairmanship of Lord Wilberforce

Adroddiad Ymchwiliad Wilberforce

Yn dilyn trafodaethau pellach ynghylch manylion y fargen, argymhellodd Pwyllgor Gweithredol Cenedlaethol yr NUM y setliad i’r aelodau a daeth y picedu i ben. Ar 25 Chwefror, dychwelodd pleidlais genedlaethol fwyafrif llethol o blaid dod â'r streic i ben a dychwelyd i'r gwaith.

'We've Won', The Miner (21 February 1972)

Rydyn ni wedi Ennill!

Er gwaethaf y fuddugoliaeth hon a'i heffaith ar forâl o fewn yr undeb, wrth gwrs, nid dyma ddiwedd y drwgdeimlad sylfaenol yn y diwydiant a'r economi ehangach - na chwaith bolisïau cysylltiadau diwydiannol gwrthweithiol y llywodraeth. Wrth i gwymp mewn cyflogau cymharol ddychwelyd yn ystod yr argyfwng ynni parhaus ddechrau'r 1970au, roedd ail gyfnod o wrthdaro, hynod wleidyddol, â llywodraeth Heath ar y gorwel.

Blaen Nesaf